Cara ao cuarto milenio a.C., no Oriente Próximo e ó longo dos grandes ríos xurdiron as primeiras grandes civilizacións, en Mesopotamia (entre o Tigris e o Eufrates) e Exipto (á carón do Nilo).
O aproveitamento do desbordamento dos ríos que fertilizaba as terras tivo importantes consecuencias:
- creceron os recursos da agricultura
- os excedentes destináronse á venda (comercio)
- a poboación aumentou
- apareceron os especialistas (cerámica, orfebrería) ou o que é o mesmo, a división do traballo
- crearonse organizacións políticas máis complexas (un poder institucionalizado encabezado por un rei-sacerdote, unha administración, un exército)
- a sociedade xerarquizouse incluindo escravos
- establecéronse relixións politeístas
- inventouse a escritura para rexistrar os intercambios ou dictar leis
- comezaron as grandes construcións e obras públicas, os estudos de astronomía e matemática
MESOPOTAMIA
A máis antiga civilización é a dos sumerios que crearon as primeiras cidades-estado como Ur, Uruk, Lagash,.. Eles foron os pais da escritura cuneiforme (cada símbolo equivalía a una sílaba, xa tiña valor fonético).
No III milenio serían ocupadas por Sargón, rei de Akkad, que configurou o primeiro grande imperio da zona: o imperio acadio. Máis tarde sucederíanse outros dominio imperiais: o de Babilonia con Hamurabi; o dos asirios e o dos persas que se expandiron ata o Indo.
¿Que nos queda destes pobos? Imos velo a través dun arquivo, pero centrándonos nestas mostras:
- Os cigurats
- As representacións escultóricas de Gudea
- O código de Hamurabi (ler)
- Os relevos asirios
EXIPTO
O control do desbordamento anual do Nilo por medio de diques e canles permitiu almacenar e distribuír as augas para fertilizar os terreos e así aumentar a superficie cultivable gañada ao deserto.
Hoxe non se producen as enchentes pola construción de presas, particularmente da presa de Assuán.
- ¿Cando e como se producían as enchentes?
-Investiga que eran os nilómetros
- ¿Onde nace o Nilo e cal é a súa lonxitude?
- Investiga sobre a presa de Assuán: localización, data de construcción, consecuencias para os sitios arqueolóxicos. Localizaa nun mapa (google earth ou google maps) así como o conxunto de Abu Simbel
-Mira as imaxes que seguen sobre o traballo agrícola e explica as actividades que realizan. Nunha delas precisas empregar a palabra chaduf, ¿cal é?
Nas beiras do río, tamén principal vía de comunicación, xurdiron grandes cidades como Menfis ou Tebas, as primeiras capitais do Exipto faraónico.
O faraón Narmer unificou o Alto e o Baixo Exipto e corouse cos atributos dos dous reinos (imaxe da dereita). Iniciouse así unha serie de dinastías que ocuparon o trono durante máis de 2500 anos, divididos cronoloxicamente en Imperio: Antigo -2686-2160 a.C.-, Medio - 2050-1650 a.C.-, Novo -1550-1069-.
O faraón era o rei, tiña poder absoluto, simbolizaba a unidade do país, era o dono de todas as terras, dirixía o comercio exterior, ostentaba a xefatura suprema do exército e era considerado un deus. Ademáis da dobre coroa levaba outros símbolos de poder: os dous cetros (autoridade), a cobra (a deusa patrona do Baixo Exipto), a barba postiza (Osiris, a eternidade).
A sociedade estaba dividida en grupos pechados segundo ves no esquema da dereita. A maioría da poboación constituíana os campesiños, libres en teoría pero atados á terra da que non eran propietarios, ademais tiñan a obriga de entregar parte da colleita e traballar gratuitamente cando fora preciso nas obras públicas (pirámides, templos).
A relixión incluía moitos deuses, algúns locais e outros venerados en todo Exipto. O máis popular e venerado era Ra, identificado co disco solar, a que se uniu Amón dando lugar a Amón-Ra (o sol dador de vida).
O culto desenvolvíase en grandiosos templos onde habitaban os deuses atendidos polos sacerdotes, eles eran os que lles rendían culto e facían as ofrendas.
O culto desenvolvíase en grandiosos templos onde habitaban os deuses atendidos polos sacerdotes, eles eran os que lles rendían culto e facían as ofrendas.
A arte imos vela través dos arquivos, centrándonos en:
- os templos e as tumbas
- a escultura monumental
- a pintura das tumbas
TUTANKHAMON
View more presentations or Upload your own.